Page 13 - Fasnachts-Zeitung 2020

13

25 Joor RatzePutzer

25 Joor, s’isch e langi Zyt,
und doch isch dr eint oder andr Ratzi no richtig fit.

1 mol im Joor verschönere mir s Dorfbild mit unserem schöne Waage,
doch oh Schreck, uf eimol duet s Comitée chlaage.

Vo eim Daag uf dr andr ischs passiert,
s Comitée het uns als Waage-Clique wägrasiert.

Trotz unserer eimoolige Startschuss-Kanone und Interventione,
S Comitée blibt hart und zeigt keini Emotione.

Dr Grundflächi vom Waage sigi z chlei und au e Traktor fehlt i däm
Programm,
Mir verstöhn jo vil, aber das isch au für uns echli zvil Tamtam.

Ä Vermuetig, s‘ isch nit abwägig, es wird wohl so si,
d Ratzeputzer wäre bi de Prämierig immer z vorderst debi.

E künschtliche Usglich für die andere z schaffe, mir düens begriffe,
so chöne au die jungä Clique no echli riffe.

Doch mir starte nomol dure, mit neuem Elan und Muet,
a dr Fasnacht 2020 lüpfts dänkt mangs eim de Huet.

Uns isch Freud no lang nit vergange und drum nähme mir diä
Herusfordig gärn aa,
und hoffe natürlich, dass mir a de Waageprämierig das Joor, wieder
chöme dra.

Mir freue uns uf no ganz vil Joore mit euch an dr Fasnacht,
sälbst denn no, wenn dr Maritz scho us dr Chischte lacht.

Zum Schluss blibt jetzt nur z saage,
passet uf, d Ratzis chöme das Joor wieder mitme Waage.

Dieser Bericht wurde unter Verwendung des Naturheilgetränks
«Ratzeputz» durch den goldenen Hamburger, alias „Fux», verfasst.
Irrtümer und Schreibfehler sind daher nicht ausgeschlossen.
ACHTUNG: «Ratzeputz» sollte nur in geringen Mengen, gemäss Arzt,
Apotheker oder Beipackzettel, eingenommen werden. Ausser Sie sind
«einfach härter».