Page 15 - Fasnachts-Zeitung 2020
P. 15
15
15 Johr Crazy Work-Shop Family
Im Behinderte-Schielager het eine ä Idee
Und scho isch’s um d Edith, Vreni und Martha gschee
Drei Heimwehfasnächtlerinne hei guet lache
Si wei mit Bewohnerinne vo dr Wärkstube Fasnacht mache
Und wie chas au anderscht si
D’Barbara, Doris, Liselotte, Jill und Thi-Chi si sofort drbii
Am Fasnachtsmentig 2006 si mir ins Altersheim gange
Und bis hüt dört alli Johr blibe hange
Ä glatte Refrain z’finde isch eus glunge
Und wird au vom Publikum gärn mitgsunge
«Mir tringge nur wenn’s nüt choscht, mir tringge nur wenn’s nüt choscht
Jä wenn’s äso isch, jä wenn’s äso isch, wenn’s äso isch denn Proscht!!»
S’erstte Koschtüm isch rächt witzig
Doch die rot-grüen-gäle Plastikhose si au furchtbar hitzig
Denn hei mir au no Zuehwachs becho
Und d Verena härzlich bi eus uffgno
Nach 10 Johr chönne mir jubiliere
Und tüen eus im neue Outfit präsentiere
Sit 3 Johr mache mir bim Pfäffigerli mit
Und das finde mir alli ä Superhit
Mega toll isch au dä Birspfupfer ihr Cabarettli, das isch wohr
Dä Applaus vo letscht Johr liggt eus immer no im Ohr
15 Johr hei mir mit euch dörfe Fasnacht mache
Hei zämme au vill chönne blödele und lache
Härzliche Dank an alli das säge mir 9 Clön
D’ Ascher Fasnacht isch eifach superschön!!